རྒྱུན་དྲིས་དྲི་བ་ཁག

ཁྱེད་ཡིས་གློ་བུར་དུ་ལས་ཀ་ཞིག་རྙེད་སྲིད་པ་དང་དེ་འདྲ་སོང་ཙང་སློབ་ཚན་ལ་འགྲོ་མི་ཐུབ་པ་ཡོང་སྲིད། དེ་ནི་དཀའ་ངལ་གང་ཡང་མ་རེད། ཁྱེད་ཀྱི་ངོས་ནས་ང་ཚོར་སྙན་སེང་ཞུས་ན་ང་ཚོའི་ངོས་ནས་སློབ་ཚན་ཞིག་བཙལ་ནས་དེ་ཁྱེད་ཀྱིས་ལས་ཀ་དང་མཉམ་དུ་ཟླ་སྒྲིལ་གཏོང་ཐུབ། གང་ལྟར་ཡང་། དགོང་དྲོ་ཡང་ན་གཟའ་མཇུག་གི་སྐབས་སུ་ཡང་སློབ་ཚན་ཁག་ལེན་ཡང་ཐུབ་ཀྱི་རེད། སློབ་ཚན་དེ་དག་ནི་ཆེད་མངགས་ལས་ཀ་ཡོད་མཁན་གྱི་མི་ཚོའི་ཆེད་དུ་ཟུར་འཇོག་བྱས་ཡོད།

ཕྷ་རན་སིའི་སྐད་ཡིག་དེ་སྐད་ཡིག་གཉིས་པ་བྷོན་གྱི་མཉམ་བསྡུས་ལས་འཆར་ནང་མཁོ་སྤྲོད་བྱས་མེད། ལས་འཆར་འདིའི་ནང་དུ་ཧོ་ལན་ཌའི་སྐད་ཡིག་གི་སློབ་ཚན་རིམ་པ་ 1.2 བར་དུ་ཡོད་པ་དེའི་ནང་དུ་ཨང་རིམ་དེ་རང་ཚུད་ཡོད་པ་དང་དེ་བཞིན་སྤྱི་ཚོགས་གོམས་འདྲིས་སློབ་ཚན་ཞིག་ཁྱེད་ཀྱིས་འདམ་ག་བྱེད་པའི་སྐད་ཡིག་ (ཕྷ་རན་སི་སྐད་ཡིག་ཚུད་པ་) གི་ནང་དུ་ཡོད།

ཁྱེད་རང་ཕལ་ཆེར་མཉམ་བསྡུས་ལས་འཆར་གྱི་ནང་དུ་མཉམ་ཞུགས་བྱེད་ཆོག་པའི་འོས་ཆོས་ཡོད། གལ་སྲིད་ཁྱེད་རང་:

• རང་ལོ་ 18 ཡང་ན་དེ་ལས་ལོ་རྒན་པ་ཡིན་པ།
• བྷ་རཱ་སེལ་རྒྱལ་སའི་ས་གནས་ཀྱི་གྲོང་སྡེའི་ལས་ཁུངས་ཤིག་ནང་ལ་རྒྱལ་ཡོངས་ཐོ་འགོད་བྱས་ཡོད་པ།
  • ཕྱི་རྒྱལ་བ་ཞིག་ཡིན་པ།
  • ཡང་ན་བྷེལ་ཇེ་ཨམ་མི་རིགས་ཡིན་པ་ཕྱི་རྒྱལ་དུ་སྐྱེས་ཡོད་པ་དང་ཉུང་མཐར་ཡང་ཕ་མ་གཅིག་ཕྱིའི་ཡུལ་གྲུར་སྐྱེས་ཡོད་པ་ཡིན་དགོས།

ཁྱེད་ལ་མཉམ་བསྡུས་ལག་འཁྱེར་དེ་ཁྱེད་ཀྱིས་ལས་འཆར་ཆ་ཚང་ལེགས་འགྲུབ་བྱུང་བའི་རྗེས་སུ་ཁྱེད་རང་གི་ལས་འཆར་སློབ་སྟོན་པའི་ས་ནས་ཐོབ་ཀྱི་རེད། འདིས་མཉམ་བསྡུས་ལས་འཆར་གྱི་སློབ་ཚན་ཚར་ཡོད་པའི་སྟོན་གྱི་ཡོད་པ་དང་ཧོ་ལན་ཌའི་རིམ་པ་ 1.2 ཐོབ་ཡོད་པ་སྟོན་གྱི་ཡོད།

Reconocimiento de Diplomas གལ་སྲིད་ཁྱེད་ཀྱིས་བྷོན་ཡང་ན་ Actiris ལ་འདས་པའི་ལོ་གསུམ་གྱི་ནང་ལ་ཐོ་འགོད་བྱས་ཡོད་ན་ཁྱེད་ཀྱིས་ང་ཚོའི་ཞབས་ཞུ་ཁག་ལ་ཤེས་ཚད་དེ་ངོས་འཛིན་ཐུབ་པའི་ཆེད་དུ་ཁ་པར་གཏོང་ན་འགྲིག་གི་ཡོད། ང་ཚོའི་ལས་བྱེད་མི་སྣས་ཁྱེད་རང་སྒེར་ལ་ངོས་འཛིན་སྐོར་སློབ་སྟོན་གནང་གི་རེད། ཁོང་ཚོས་འགྲོ་ལུགས་འགྲོ་སྟངས་ཆ་ཚང་འགྲེལ་བརྗོད་བྱེད་པ་དང་། ཁོང་ཚོའི་ངོས་ནས་ཁྱེད་ལ་ཐབས་ཤེས་གང་བཟང་ཤོས་ཡིན་པ་འཚོལ་བ། མཐའ་མ་དེར་ཡིག་ཆ་ཁག་ཁྱེད་ཀྱི་ཡར་འབུལ་ཆེད་བསྡུ་རུབ་ཀྱི་རོགས་རམ་བྱེད་ཀྱི་རེད།

ཁྱེད་ཀྱིས་ཁ་པར་ཨང་གྲངས་ 02 701 73 80 བརྒྱུད་ནས་མཉམ་བསྡུས་ལས་འཆར་ལ་ཐོ་འགོད་གནང་ཆོག ང་ཚོའི་ལས་ཀ་བྱེད་པའི་དུས་ཚོད་ལ་གཟིགས་རོགས།

ང་ཚོར་འབྲེལ་བ་བྱས་ཏེ་གནས་ཚུལ་མང་བ་ཐོབ་ཐུབ་པ་གྱིས།.

གལ་སྲིད་ཁྱེད་ཉིན་མོའི་སློབ་ཚན་ཁག་ཉིན་མོའི་སྐབས་སུ་ལེན་ཐུབ་ཀྱི་མེད་པ་ཡིན་ན་ཁྱེད་ཀྱིས་དགོང་མོའི་འཛིན་གྲྭ་ཁག་གི་ཆེད་དུ་འོས་ཆོས་ཚང་ཡོད། དཔེར་ན། ཁྱེད་རང་ལས་ཀ་བྱེད་ཀྱི་ཡོད་པ་ཡང་ན་སློབ་ཚན་ཞིག་ལེན་གྱི་ཡོད་ན། བྷོན་གྱི་དགོང་དྲོའི་སློབ་ཚན་ཁག་ཕྱི་དྲོའི་ཆ་ཚུད་ 18:00 ནས་ 21:00 བར་ལ་སློབ་ཁྲིད་གནང་གི་ཡོད། སློབ་ཚན་འགའ་ཤས་དགོང་དྲོ་ཁོ་ནར་ཡོད་པ་ལས། ཉིན་མོའི་སྐབས་སུ་མེད།

བྷོན་གྱི་མཉམ་བསྡུས་ལས་འཆར་རིན་པ་སྤྲོད་དགོས་ཀྱི་མེད། ཡིན་ནའང་། ཁྱེད་ཀྱིས་སློབ་ཚན་གྱི་རྒྱུ་ཆ་ཧོ་ལན་ཌའི་སྐད་ཡིག་ཁག་གི་ནང་དུ་བེད་སྤྱོད་བྱེད་པ་དེ་དག་གི་ཆེད་དུ་རིན་སྤྲོད་གནང་དགོས་ཀྱི་ཡོད། དེ་ལ་མང་ཤོས་ཡང་རིམ་པ་རེར་ཡུ་རོབ་ཀྱི་སྒོར་ 45 རེ་སྤྲོད་དགོས་ཀྱི་ཡོད།

ཁྱེད་ཀྱིས་སློབ་ཚན་འགོ་འཛུགས་བྱས་ཙ་ན་ཁྱེད་ཀྱི་སློབ་སྟོན་པས་དེའི་ཐད་ལ་ཁྱེད་ལ་ངེས་པར་དུ་རོགས་རམ་བྱེད་ཐུབ་ཀྱི་རེད། ཁྱེད་ལ་ཡང་ཁྱེད་ཀྱི་ཐོ་འགོད་ལག་འཁྱེར་དང་གན་རྒྱའི་ཐོ་འགོད་བྱས་རྗེས་འདྲ་བཤུས་ཤིག་འཕྲལ་དུ་ཐོབ་ཀྱི་རེད།

ཧོ་ལན་ཌའི་སྐད་ཡིག་སློབ་སྦྱོང་བྱེད་པ་ནི་བྷོན་གྱི་མཉམ་བསྡུས་ལས་འཆར་གྱི་ཆ་ཤས་ཤིག་རེད། ཁྱེད་ཀྱིས་སྔ་ས་ནས་ཧོ་ལན་ཌའི་སྐད་ཡིག་ཤེས་ཀྱི་ཡོད་དམ། གལ་སྲིད་དེ་ལྟར་ཡིན་ན། ཁྱེད་རང་ལས་འཆར་འདིའི་ཆ་ཤས་འདི་ནས་ཆག་ཡང་བཏང་ཡོད།

ཧོ་ལན་ཌའི་སྐད་ཡིག་ཤེས་པ་ཡིན་ན་གོ་སྐབས་མང་པོ་ཞིག་སྐྲུན་གྱི་རེད། དེས་ཁྱེད་རང་ལ་ལས་ཀ་མགྱོགས་པ་རྙེད་ཐུབ་པའི་ཆེད་དུ་ཕན་རོགས་བྱེད་ཀྱི་རེད།

མཉམ་བསྡུས་ལས་འཆར་གྱི་དུས་ཡུན་དེ་རྐྱེན་འགའ་ཤས་ལ་རག་ལུས་ཡོད།

• སྤྱི་ཚོགས་གོམས་འདྲིས་སློབ་ཚན་ལ་རོབ་རྩིས་བྱས་ན་ཆུ་ཚོད་ 60 ལྷག་ཙམ་འགོར་གྱི་རེད། དེ་ཡང་བདུན་ཕྲང་ལྔ་ནས་བདུན་བར་ལ་བཀྲམ་ཡོད།
• འདིར་ཡང་ཧོ་ལན་ཌའི་སྐད་ཡིག་སློབ་ཚན་ཡོད། ཁྱེད་དང་ལྷན་དུ། ང་ཚོས་ཁྱེད་ཀྱིས་བདུན་ཕྲག་གཅིག་ལ་སློབ་ཚན་ག་ཚོད་ཙམ་ཁྱེད་ཀྱི་ལེན་ཐུབ་མིན་བལྟ་གི་རེད། གལ་སྲིད་ཁྱེད་ཀྱིས་གཟབ་ནན་གྱི་ལས་འཆར་ཞིག་འདམ་ག་བྱེད་པ་ཡིན་ན། མགྱོགས་ཤོས་སུ་ཁྱེད་ཀྱིས་ཟླ་བ་ 4 ནང་ཚུད་ལ་ཚར་གྱི་རེད། ང་ཚོས་ཐེངས་གྲངས་དེ་ཁྱེད་ཀྱི་འགྲོས་དང་བསྟུན་ནས་སྙོམ་སྒྲིག་བཟོ་གི་རེད། དེ་དང་དུས་མཚུངས་ཁྱེད་ཀྱི་དངོས་སུ་དུས་ཡུན་ཇི་ཙམ་འགོར་གྱི་ཡོད་མེད་ངེས་གཏང་བཟོ་གི་རེད།

ང་ཚོར་འབྲེལ་བ་བྱས་ཏེ་གནས་ཚུལ་མང་བ་ཐོབ་ཐུབ་པ་གྱིས།

གལ་སྲིད་ཁྱེད་ཀྱིས་མི་སེར་གྱི་ཐོབ་ཐང་ལ་སྙན་ཞུ་འབུལ་འདོད་ཡོད་པ་ཡིན་ན་མཉམ་བསྡུས་ལག་འཁྱེར་གྱིས་ཕན་ཐོགས་ངེས་པར་དུ་ཡོད། ལག་འཁྱེར་འདི་ནི་མཉམ་བསྡུས་བྱས་པའི་གཞུང་གི་དཔང་ཡིག་ཞིག་རེད། འོན་ཀྱང་། མཉམ་བསྡུས་ལག་འཁྱེར་ཞིག་ནི་ཁྱེད་རང་གྱིས་མཉམ་བསྡུས་བྱས་ཡོད་པའི་དཔང་རྟགས་གསལ་སྟོན་བྱེད་པའི་ཐབས་ལམ་དེ་ཁོ་ན་མིན་པ་དང་། དེ་ནི་མི་སེར་གྱི་ཐོབ་ཐང་ཐོབ་ཐུབ་པའི་ཆེད་དུ་ཡོད་པའི་ཆ་རྐྱེན་ཁོ་ན་མ་རེད། དཔེར་ན། ཁྱེད་ཀྱིས་ངེས་པར་དུ་དུས་ཡུན་ངེས་ཅན་ཞིག་གི་ནང་དུ་བྷེལ་ཇེ་ཨམ་ནང་དུ་གནས་སྡོད་བྱེད་པ་/ཡང་ན་ལས་ཀ་བྱེད་ཀྱི་ཡོད་དགོས་ཀྱི་ཡོད།

ཕྱི་ལོ་ 2022 ལོའི་ཟླ་བ་དྲུག་པ་ནས་བཟུང་། སྦ་རཱ་སེལ་སྤྱི་དམངས་མཉམ་བསྡུས་ལས་འཆར་དེ་ཡུ་རོབ་མཐུན་གྲོགས་ཀྱི་རྒྱལ་ཁབ་ཁག་ནས་མིན་པའི་རྒྱལ་ཁབ་གཞན་དག་ནས་གསར་དུ་འབྱོར་མཁན་གྱི་མི་འགའ་ཤས་ལ་ལས་འཆར་དེ་ངེས་པར་དུ་དགོས་པ་ཞིག་རེད།

ང་ཚོས་མཉམ་བསྡུས་སློབ་ཚན་ཁག་ཕྷ་རན་སི་སྐད་དང་། ཨ་རབ། ཨིན་ཇི། སི་པན། ཊར་ཀི ཕྷ་སི། ཌ་རི། ཊམ་མཱ་ཛཱ། པོའི་ལི་ཤ ཧིན་རྡ། བོད་སྐད། ཨུར་རྡུ། ཨུ་རུ་སུའི་སྐད། བྷལ་གྷེལ་རི་ཨན། དེ་བཞིན་རོའོ་མན་ནི་ཨན་སྐད་ཡིག་ནང་དུ་མཁོ་སྤྲོད་བྱེད་ཀྱི་ཡོད། དོ་སྣང་གནང་དགོས་པ། སྐད་ཡིག་འགའ་ཤས་ལོ་གཅིག་གི་ནང་དུ་ཐེངས་འགའ་ཤས་ལས་མེད།

འཛིན་གྲྭ་ཕལ་ཆེ་བ་ལས་དུས་ཀྱི་ཉིན་སྐབས་སུ་རེད། དེ་ནི་གཟའ་ཟླ་བ་ནས་གཟའ་པ་སངས་བར་རེད། འོན་ཀྱང་ཁྱེད་ཀྱིས་གཟའ་འཇུག་གི་སྐབས་སུ་སློབ་ཚན་ཁག་ལེན་ནའང་འགྲིག་གི་ཡོད། (དེ་ཡང་གལ་སྲིད་ཁྱེད་རང་ལས་ཀ་/ཡང་ན་སྦྱོང་བརྡར་ཞིག་ལས་དུས་ཀྱི་ཉིན་མོར་གནང་གི་ཡོད་ན།)

བྷོན་གྱི་ངོས་ནས་ལོ་གཅིག་ལ་འགོ་འཛུགས་ཀྱི་དུས་ཐེངས་བརྒྱད་གནང་གི་ཡོད། འདི་གོ་དོན་ནི་ང་ཚོས་རིམ་པ་བསྟར་ཆག་གསར་པ་ཞིག་རོབ་རྩིས་ལ་ཟླ་བ་གཉིས་རེའི་རྗེས་སུ་འགོ་འཛུགས་བྱེད་ཀྱི་རེད། དབྱར་དུས་ཀྱི་སྐབས་སུ། ང་ཚོས་ཏོག་ཙམ་གཟབ་ནན་ཆེ་བའི་དུས་ཚོད་རུ་མིག་ཅིག་ལག་བསྟར་གནང་གི་རེད། ཡོང་བཞིན་པའི་འགོ་འཛུགས་ཀྱི་ཟླ་ཚེས་ཁག་ལ་གཟིགས་རོགས།

ང་ཚོར་འབྲེལ་བ་བྱས་ཏེ་གནས་ཚུལ་མང་བ་ཐོབ་ཐུབ་པ་གྱིས།